रित्तै फर्किए राउटे

अशोक दाहाल

प्रधानमन्त्री डाक्टर बाबुराम भट्टराईलाई भेटौंला र दशैं खर्च मागेर रमाइलो गरी दशैं मनाउँला भन्ने सपना बुन्दै सल्यानबाट राजधानी आएका राउटेहरु रित्तो हात फर्किएका छन् । प्रधानमन्त्री र गृहमन्त्रीलाई भेट्न प्रयास गरे पनि भेट्न नपाएपछि राउटेहरु दुःख मान्दै आइतबार सल्यान फर्किए । प्रधानमन्त्रीलाई भेटेर आपुूहरुले बनाएका काठका भाँडा दिउँला र सरकारले दिने भत्ता महिनैपिच्छे दिने व्यवस्था मिलाउन भनौंला भन्ने राउटेहरुको योजना यो वर्ष भने अधुरै रह्यो ।

विगतका वर्षहरुजस्तै प्रधानमन्त्रीलाई भेटेर गुनासो राख्न पाइने आशामा उनीहरुले प्रधानमन्त्री डाक्टर बाबुराम भट्टराईका लागि उपहारस्वरुप काठका भाँडा समेत दिने योजना बनाएका थिए । तर प्रधानमन्त्री भट्टराईले भेट नदिएपछि राउटेहरु प्रधानमन्त्रीलाई दिन ल्याएको भाँडा आपैँुसँग लिएर आइतबार गाउँ फर्किए । जंगलमा बस्ने र शिकार गरेर खाने राउटेहरुसँग भएको एउटा मात्र सीप काठका भाँडाकुँडा बनाउने हो । तर उनीहरुले परम्परागत रुपमा काट्दै आएका टुनी सिमल जस्ता काठहरुको अभाव एकातिर छ भने अर्कोतिर उनीहरुले उत्पादन गरेका सामानको बजार छैन । राउटेहरुले यस्ता सामाग्रीको नियमित बजार र सरकारले दिँदै आएको भत्ता बढाएर तीन हजार प्रतिमहिना बनाउन प्रधानमन्त्रीसँग माग राख्ने योजना बनाएका थिए । प्रधानमन्त्रीले आपुूहरुसँग भेट नदिएपछि उनीहरु विभिन्न संघ-संस्थाको पहलमा बाटो खर्च जुटाएर फर्किन बाध्य भए । यसअघिका प्रधानमन्त्रीहरुले आपुूहरुलाई खर्च दिने गरेपनि अहिलेको सरकारका प्रधानमन्त्रीलाई भेट्न नपाउँदा मन रुवाएर फर्किन लागेको गुनासो राउटेका मुखिया ऐनबहादुर शाहीको छ । प्रधानमन्त्रीलाई भेटाइदिन पटकपटक प्रयास गरेपनि सहयोगीहरुबाट रुखो जवाफ मात्र पाएको बताउँछिन् राउटे उत्थान प्रतिष्ठानकी अध्यक्ष सत्यदेवी अधिकारी । प्रधानमन्त्रीलाई भेट्न नपाए पनि राउटेहरुले एबीसी टेलिभिजनमार्फत प्रधानमन्त्रीसँग कुरा पुर् याइदिन आग्रह गर्दै यस्तो सन्देश छाडेर गएका छन् । काठमाडौं आएदेखि नै आपुूहरुले पेटभरि खान नपाएको गुनासो छ राउटेहरुको । सरकारसँग दशैं खर्च मागेर पेटभरि खाने योजना यो वर्ष अधुरै रहेपनि उनीहरुले अर्को वर्ष पनि काठमाडौं आउने योजना बुनेका छन् । रित्तो हात घर फर्कन लागेका राउटेहरुलाई आइतबार राजधानीको गोंगबुमा रहेको म्याग्दी वचत तथा ऋण सहकारी नेपाल छन्त्याल समाज र धवलागिरी विल्डस्र प्रालि मिलेर ४५ हजार सहयोग उपलब्ध गराइदिए । निराश भएर फर्कन लागेका राउटेहरु निजी क्षेत्रबाट पाएको सहयोगबाट केही समयका लागि भए पनि खुशी भए । तर सरकारले दिगो आम्दानी वा जीविकोपार्जनको व्यवस्था नगरेसम्म उनीहरुको मुहारमा खुशी छाउने छैन ।