नेपालमा निरंकुश राणा शासनको अन्त्य भएर प्रजातन्त्रको उदय भएको दिनको सम्झनामा हरेक बर्ष मनाइने प्रजातन्त्र दिवशबारे यो बर्ष भने खासै चर्चा भएन । यसको अर्थ प्रजातनत्रप्रति मानिसहरुको अनास्था भने पक्के थिएन । विश्वविख्यात क्यानेडियन गायक ब्रायन एडम्सले नेपालमा पहिलो पटक गरेको कन्सर्टका कारण शनिबार नेपालका सबै कार्यक्रमहरु छाँयामा परे । एडम्स नेपाल आउने निर्णय सार्वजनिक भएसँगै उनको बारेमा सुनेका हुन् वा उनका गित सुनेका फ्यानहरु कन्सर्टको प्रतिक्षामा थिए ।
विश्वप्रसिद्ध गीतहरु गाएका एडम्सको प्रस्तुतीबारे युवा बालबालीका देखि बुढापाका सम्मले चासो दिए । जति उनिहरुले प्रजातन्त्र दिवशको बारेमा दिएनन् । नेपाली साचार माध्यममा पनि शनिबार प्रजातन्त्र दिवशका समाचार भन्दा बढि एडम्सकै समाचारहरु छाए । नेपाल पर्यटन बर्ष २०११ सुरु भएको डेढ महिना पछि नेपाल आएका एडम्स संभवत नेपालको पर्यटन बर्षका समेत सबैभन्दा विशिष्ट पाउना बनेको दावी गरिएको छ । अन्तराष्ट्रिय साचार माधयहरुले समेत नेपालले प्रजातन्त्र दिवशमा नयाँ नायक पाएको दावी गरेका छन् । एडम्सको सुरक्षाका लागि मात्र शनिबार राजधानीमा पाँच हजार प्रहरी परिचालन गरिएको थियो ।
साँझ नपर्दै घरबाट ननिस्कने राजधानीका युवायुवती शनिबार राती १० बजेसम्म राजधानीको रंगशालामै नाचिरहेका थिए ब्रायन एडम्सको कन्सर्टमा । कुनैपनि टेलिभिजन च्यानलहरुले प्रतक्ष प्रशारण नगरेका कारण हजारौं युवायुवती महँगो टिकट किनेर एडम्सको कन्सर्ट हेर्न रंगशाला पुगेका थिए । एडम्सको कन्सर्टका लागि दुई चार र छ हजारका टिकटहरु विकि्र गरिएका थिए । कुनैपनि राष्ट्रिय स्तरको खेल हुँदा जम्मा नभएका दर्शकहरु एडम्सको कन्सर्ट हेर्न शनिबार रंगशालामा जम्मा भएका थिए ।
साँझ झन्डै आठ बजेबाट गित गाउन सुरु गरेका एडम्सले एक दर्जनको हाराहारीमा आफ्ना चर्चित र नयाँ गितहरुमार्फत फ्यानहरुलाई नचाए । उनले ुसमर अफ सिक्स्टी नाइनु ुएभि्रथिङ आइ डु ुप्लिज फर्गिभ मिु लगायतका गितहरु मार्फत दर्शकहरुलाई दुई घण्टासम्म मनत्रमुग्ध बनाए ।
ओडिसी नेटवर्क र जेपी इभेन्ट्सको सयुक्त आयोजनामा भएको कन्सर्टमा हजारौं युवायुवती झुमेका थिए । ३५ सदस्यीय टोलीका साथ दिउसो सवा दुई बजे आफ्नै निजी बिमानबाट काठमाण्डौँ आईपुगेका ब्रयायनले सगरमाथाको देशमा आफूले कन्सर्ट गर्न पाउनु गर्वको विषय भएको प्रतिकि्रया दिएका थिए इन्टरनेटको सामाजिकसाजाल ट्विटरमार्फत् । भारतका हैदरवाद र बङगलादेशको राजधानी ढाकामा भएको विश्वकप कि्रकेटको उद्घाटन समारोहमा आफ्नो प्रस्तुती दिएका ब्रायनको एसियामा यो सिजनको अन्तिम प्रस्तुती हो । कन्स्रटमा नेपालका चर्चित ब्याण्डहरु नमस्ते मंगोलियन हर्ट र रविन एण्ड दि न्यु रिभोलुसनले पनि प्रस्तुती दिएका थिए । समय अभावका कारण १९७४ ए डी ब्याण्डले भने प्रस्तुती गर्न पाएन
