आगामि फेब्रुअरीको अन्तसम्म नेपाल र कतारबीच सहमति नभए संयुक्त राष्ट्रसंघको ६६ औं महासभाको सभाध्यक्षमा नेपाल र कतारबीच मतदान हुने छ । नेपालका तर्फबाट राष्टसंघका स्थायी प्रतिनिधि कुलचन्द्र गौतम र कतारका तर्फबाट पनि राष्ट्रस्रंघै स्थायी प्रतिनिधि नासिर अब्दुलाज अल नसिरले उम्मेदवारीको घोषणा गरेका छन् । आगामि प्रुेब्रुअरी २१ मा हुने एसीयाली राष्ट्रहरुको बैठकमा दुवै उम्मेदवारलाई आफ्नो प्रस्तुती प्रस्तुत गर्न दिइने छ । प्रुेब्रुअरी २५ सम्म चल्ने बैठकमा पनि उम्मेदवारहरुबीच सहमति नभए आगामि सेप्टेम्बरमा महासभा सुरु हुनु अघि मतदान हुने कार्यक्रम छ । गतबर्ष पनि दुईवटा युरोपेली राष्ट्रहरु बेल्जीयम र स्विजरल्याण्डबीच अध्यक्षता गर्ने बिषयमा मतदान भएको थियो । जसमा स्विजरल्याण्ड विजयी भएको थियो ।
नेपालका तर्फबाट उम्मेदवार रहेका गौतम राष्ट्रसंघका पूर्व सहायक उपसचिव युनिसेफका पूर्व उप-कार्यकारी निर्देशक पनि हुन् । भने कतारका उम्मेदवार अल-नसिर विकासोन्मुक राष्ट्रहरुको साझा संगठनका पूर्व अध्यक्ष राष्ट्रसंघकै विशेष राजनीतिक ब्यूरोका अध्यक्ष र कतारका तर्फबाट राष्ट्रसंघका स्थायी प्रतिनिधि पनि हुन् । हरेक बर्ष महासभाको अध्यक्षता गर्ने पालो एसीयाली अपि्रुकी उत्तर अमेरिकी दक्षिण अमेरिकी युरोपेली र अष्ट्रेलियन महादेशले पाउने गरेका छन् । यसअघि लगातार म्याकडोनिया निकारागुवा लिविया र स्विजरल्याण्डले महासभाको अध्यक्षता गरिसकेका कारण यो बर्ष एसीयाली राष्ट्रहरुले अध्यक्षता गर्ने पालो आएको हो ।
सन् १९८१ मा एसीयाली राष्ट्रहरुबीच सभाध्यक्षको लागि मतदान भएको थियो । इराकाका इम्मत कितानी िसंगापुरका टोमी कोह र बंगलादेशका क्वाजा मोहम्मद कैसरबीच भएको प्रतिश्पर्धामा दोश्रो चरणमा भएको मतदानमा इराका कितानीले जितेका थिए । पहिलो चरमण्मा भएको मतदानमा कुनैपनि उम्मेदवारले बहुमत ल्याउन नसकेपछि निर्वाचन दोश्रो चरणमा प्रवेश गरेको थियो । तर दोश्रो चरणमा पनि इराकका उम्मेदवार कितानी र बंगलादेशका मोहम्मद कैसरले बराबर७३÷७३ मत ल्याए । राष्ट्रसंघको निर्वाचन नियमावलीको धारा २१ अनुसार बराबर मत ल्याउने दुई उम्मेदवारबीच भएको प्रतिश्पर्धामा कितानी बिजयी भएका हुन् । राष्ट्रसंको इतिहासमै सन् १९८१को ३६ औं महासभामा एसीयाली राष्ट्रहरुबीच भएको मतदान सम्झनयोग्य बन्यो ।
संयुक्त राष्ट्रसंघको प्रमुख राजनीतिक नीति तथा कार्यक्रम तय गर्ने महासभामा विश्वभरका १९२ सदस्यराष्ट्रले मध्य सेप्टेम्बरमा भाग लिनेछन् । नेपाल राष्ट्रसंघ अन्र्तगत शान्ति मिसन पठाउने देशहरुमध्धे छैटौं ठूलो राष्ट्रको रुपमा परिचित छ । हालसम्म राष्ट्रसंघका बिभिन्न २९ मिसनमा नेपालका ८० हजार सुरक्षाकर्मी सहभागि भइसकेको राष्ट्रसंघको तथ्याङ्कमा उल्लेख छ । जसमध्ये ६२ जनाले शान्ति मिसनकै क्रममा ज्यान गुमाएका छन् । अर्कोतर्फ तेल र ग्यासको धनी राष्ट्र कतार विश्वकै आर्थिक पावरहाउसको रुपमा समेत परिचित छ । विश्वकै धनी राष्ट्रहरुको सुचिमा रहेको कतारसामु विश्वका गरिब राष्ट्रहरुको ४८ औं स्थानमा रहेको नेपालले प्रतिश्पर्धा गर्न पाउनु आफैंमा गर्व गर्न लायक बिषय हो । राष्ट्रसंघको सभाध्यक्षमा सहमति गरौं भन्दै कतार प्रधानमन्त्रीका विषेश दुत खालिद विन मोहमम्द अल इतिहास हालै नेपाल आएका थिए । अब सहमति हुने नहुने हो त्यो भने फेब्रुअरी २५ ले नै देखाउला ।
No comments:
Post a Comment